احدث المواضيع

السبت، 25 نوفمبر 2017

تحويل الاموال عبر البريد المصري

تحويل الاموال عبر البريد المصري 



من احد الخدمات المميزة والتي يقدمها البريد المصري هي تحويل الاموال والتي تتسم بالسهولة واليسر.

فتحويل الاموال اصبح من الاحتياجات اليومية لقطاع كبير من الشعب المصري سواء للتحويلات العائلية او للتحويلات التجارية من مكان الي اخر ومن محافظة الي اخري فاليوم لست بحاجة الي السفر من محافظة الي اخري لكي تقوم بتسليم الاموال الي طرف اخر لاي سبب من الاسباب ما عليك هو ان تذهب لاي مكتب بريد وتقوم بعمل حوالة بريدية لشخص ما ليقوم المستلم باستلام تلك الاموال من اي مكتب بريد اخر في خلال خمسة دقائق فقط.

مميزات تحويل الاموال عبر البريد المصري

  • سهولة التعامل إذ أنه ليس مطلوب منك سوى تقديم البطاقة الشخصية للشخص المراد تحويل الاموال له لتسجيل بيناته من رقم البطاقة والاسم الرباعي.
  • سرعة تحويل الاموال حيث يمكن للمحول له الاموال استلام امواله بعد عملية التحويل مباشرة اذا انه يتم تسجيل بيانات الحوالة علي قاعدة البيانات الخاصة بالبريد المصري وتكون متاحة للصرف بعد التسجيل مباشرة من اي مكتب بريدي في جميع انحاء الجمهورية.
  • انتشار مكاتب البريد علي مستوي الجمهورية يعطي سهولة في التعامل حيث ان للبريد حوالي 3724 موزعين علي جميع انحاء الجمهورية ويمكن صرف الحوالة من اي مكتب منهم.
  • رسوم التحويل مناسبة الي حد ما وهية حوالي 1% من قيمة مبلغ الحوالة.
  • سهولة الاستلام والذي يكون بالبطاقة الشخصية فقط للشخص المستفيد.



كيفية ارسال الاموال عبر البريد المصري:-

  • توجه الي اي مكتب بريد تابع للمنطقة التي توجد بها ويجب عليك ان يكون متاح لديك رقم بطاقة الرقم القومي والاسم الرباعي للشخص المرسل له الاموال ويفضل ان يكون لديك صورة للبطاقة الخاصة بئه لتفادي وقوع اخطاء.
  • قم بالتواصل مع موظف الشباك المختص بتحويل الاموال واعطه بيانات المحول له والمبلغ المراد تحويله ويتم خصم مصاريف التحويل من الشخص القائم بالتحويل او الشخص المحول له (اختياري) والذي سيطلب منك الاطلاع علي بطاقة الرقم القومي الخاصة بك.
  • قم باستلام الايصال الخاص بعملية الحوالة البريدية ويمكن ان ترسل صورة الايصال للشخص المحول له الاموال وذلك للتاكيد فقط علي اتمام عملية التحويل.

كيفية استقبال الاموال عبر البريد المصري:-

  • يتوجه الشخص المحول له الاموال الي مكتب البريد مباشرة بعد اتمام عملية التحويل ويجب ان يكون معه اثبات الشخصية (الرقم القومي) للتاكد من البينات الشخصية ثم يقوم بالتواصل مع موظف الشباك المختص بصرف الحوالات البريدية ويقوم بصرف الحوالة بمنتهي السهولة.
  • في حالة خصم عمولة التحويل من الطرف المرسل لا يقوم الطرف المستلم بدفع اية مصاريف اضافية.

رسوم تحويل الاموال عبر البريد المصري

  • تكون الرسوم المخصصة علي الحوالات البريدية بنسبة 1% من قيمة الحوالة بحد ادني 10 جنيهات.
  • في حالة عمل حوالة بريدية في غير اوقات العمل الرسمية بمعني في المكاتب التي تعمل اوقات استثانائية مثل ايام العطلات والفترات المسائية يتم اضافة 2 جنيه رسوم علي المبلغ الكلي.

شروط تحويل الاموال عبر البريد المصري

  • ان يكون الراسل والمرسل له يحمل بطاقة رقم قومي سارية وليست منتهية.
  • تحويل الاموال عبر البريد المصري يكون داخل مصر فقط ومتاح في جميع مكاتب البريد
  • ضرورة تسجيل اسم المرسل اليه الاموال رباعي لتفادي تشابه الاسماء.
  • في حالة حدوث خطا في بينات المرسل ليه سواء الاسم او المبلغ فيمكن تعديل تلك البيانات مقابل 8 جنيهات رسوم تغير بيانات.
  • حدود ارسال الاموال ليس اكثر من 50 الف جنيه في الحوالة الواحدة
  • يمكن للاجانب المقيمين في مصر تحويل او استلام الاموال بموجب جواز سفر .
  • لا يشترط ان يكون مستلم الاموال فوق سن 18 عام الاشتراط فقط ان يكون لديه بطاقة رقم قومي.


اماكن ومواعيد عمل مكاتب البريد المصري

لاستعراض جميع مكاتب البريد المصري برجاء زيارة الرابط



لاستعراض مكاتب البريد المصري التي تعمل من الاحد الى الخميس من 8 صباحاً الى 3 مساءً برجاء زيارة الرابط



لاستعراض مكاتب البريد المصري التي تعمل فترة مسائية حتي 6 مساءً برجاء زيارة الرابط



لاستعراض مكاتب البريد المصري التي تعمل يوم الجمعة من 8 صباحا وحتي 3 مساء برجاء زيارة الرابط



لاستعراض مكاتب البريد المصري التي تعمل من السبت الى الخميس من 8 صباحا الى 2 مساءً برجاء زيارة الرابط





لاستعراض مكاتب البريد المصري التي تعمل من السبت الى الاربعاء من 8 صباحا الى 3 مساءً برجاء زيارة الرابط





ولاي استفسارات اخري برجاء كتابتها اسفل الموضوع وسيتم الرد عليها مباشرة.

87 التعليقات:

هل يمكن استرجاع الحواله

يمكن استرجاع الاموال في حالة عدم استلام الطرف الاخر المرسل اليه قيمة الحوالة في مدة زمنية محددة لا اتذكر كام بالظبط .. كما يمكن تعديل بيانات المرسل اليه او المبلغ في حالة حدوث خطاء يلزم دفع تقريبا 8 جنيهات رسوم تعديل

هل ممكن استلم حواله من دوله اجنبيه عن طريق البريد؟

غير متوفرة البريد حاليا يستخدم الحوالات النقيدة الداخلية فقط علي حد علمي

من فضلك الحوالة من جهة حكومية بترجع امانات بعد مده اد ايه ؟

لو سمحت المدة أد اية يعني انا اتحولي مبلغ و حسحبو يوم الأربع ان شاء اللة عشان بكرة اجازة و هو اتحولي يوم الحد فكنت عاوزة اعرف اية النظام

مفيش مشاكل ممكن تستلميها من اي مكتب بريد في مصر كلها اي وقت قبل مرور 30 يوم

الجوالة من جهية حكومية علي ما اعتقد برضوا ح ترجع بعد 30 يوم لو محدش استلامها
بس المعلومة دي غير مؤكدة والله اعلم

هل يمكن تحويل أموال داخل مصر بين الافراد بعملات اجنبية ؟

التحويلات النقدية داخل مصر بتتم بالعملية الرسمية للدولة فقط (في الغالب) .. بس لو الطرف اللي ح تحولوا مثلا عندوا حساب بنكي بالدولار ممكن تعملوا ايداع في حسابو مباشرة بنفس العملة من اي فرع للبنك بدون اي مصاريف او تعقيدات

لو بعت حوالة لحد من فترة كبيرة شهرين مثلا .. ومستلمهاش .. بتضيع علينا كده ولا يتروح فين بالضبط ؟

الحوالة بترج لصاحبها لو اللي اتحولوا الفلوس ما استلمهاش في خلال 3 شهور بتروح تاخدها انت تاني

ما هي رسوم الحواله يعني الراسل بيدفع كام والمرسل بيدفع كام لو كان المبلغ 1000 مثلا

عاوز اعرف مصاريف الحواله كام من الراسل والمرسل اليه

كم من الوقت يستغرق للارسال الحواله للطرف الثاني؟؟؟؟

الحوالة البريدية بيتم استلامها من الطرف الثاني المرسل له الحوالة بعد عملية التحويل مباشرة يعني بمعني اصح بمجرد ايداع الفلوس في مكتب البريد واستلام ايصال الحوالة يحق للطرف التاني المرسل له الحوالة استلامها في نفس الوقت - وبالنسبة لمصاريف الحوالة لو مثلا الف جنيه بيتم دفع 1% من قمية الحوالة (بحد ادني 10 جنيه ) يعني ح تحول لاي حد 1000 جنيه ح تدفع 1010 جنيه فقط يستلمهم الطرف الثاني 1000 جنيه بدون اي مصاريف اخري.
ح تحول 500 جنيه ح تدفع 510 (تطبيق الحد الادني 10 جنيه لان 1% = 5 جنيه )جنيه يستلمهم الطرف الاخر 500 جنيه
ح تحول 6000 جنيه ح تدفع 6060 (1 % من قيمة المبلغ المرسل 60 جنيه ) جنيه يستلمهم الطرف الثاني 6000 جنيه.
مع ملاحظة وجود مصاريف ادارية اخري في حالة ارسال اموال في الفترة المسائية او في ايام العطلات والاجازات الرسمية مثلا بيتم اضافة رسوم 2 جنيه في حالة الارسال او 4 جنيه تقريبا في حالة استلام الاموال ولا تطبق هذه الرسوم في حالة ارسال الاموال او استلامها في فترات العمل العادية (الفترة الصباحية)

تم ارسال حواله فوريه لي ولكني لم اتمكن من استلامها لوجود اسم ناقص بأسمي الرباعي مع العلم ان الرقم القومي صحيح .. فما الحل الأن وهل يمكن تعديل الاسم ومن الذي يعدله ؟ وهل يمكن للراسل ان يسحب الحواله وارسالها لشخص اخر ام لا ؟؟؟

يمكن لراسل الحوالة تعديل بيانات الحوالة البريدية بعد دفع رسوم تقريبا 8 جنيه اما بالنسبة لسحب الحوالة من قبل الراسل مرة اخري فلا اعتقد انه يمكن ذلك قبل مرور تقريبا شهر علي الحوالة ما لم يستلمها المحول له الامول فان من حق الراسل استلام امواله مرة اخري

انا مصري بطاقتي منتهيه هل يمكن الاستلام بجواز سفري برقمي القومي؟

للاسف غير متاكدين من المعلومة دية ح نكتب التاكيد بعد المتابعة مع مكتب البريد

هل من الممكن الاستعلام عن الحوالات البريدية عن طريق الانترنت

هل من الممكن ان ارسل او استلم حاجة مدية غير الفلوس من مكتب البريد
حاجة بحجم القلم

نعم وتسمي الطرود البريدية

هل يمكن الاستعلام عن المرسل لحواله ماليه بالرقم القومى

%1من قيمة المبلغ لو المبلغ 1000يبقي 10 جنيه

هل ممكن ارسال حوالة بريدية بصورة البطاقة الشخصية فقط

في حالة ارسال حوالة مالية لابد من توافر الرقم القومي والاسم رباعي للي ح تبعتلوا الفلوس
قيمة تكلفة ارسال الاموال 1% بحد ادني 10 جنيه يعني الف جنيه او اقل من الف جنيه بيتم تحصيل عشرة جنيه
لا يجوز ارسال حوالة بريدية بصورة البطاقة للشخص الراسل لابد من احضار اصل البطاقة الشخصية في كلا الحالتين في الارسال وفي الاستلام

لو سمحت هو لي مش معاي البطاقة؟ينفع ارسل او استلم بجواز السفر؟

يعني مبلغ 5000مصري كام رسوم التحويل

رسوم تحويل 5 الاف جنيه مصري عبر البريد كالاتي 5000 / 100 * 1 = 50 جنيه مصري
والتحويلات في مكاتب البريد تتم بالرقم القومي علي حد علمي

لو سمحت هو ينفع يتحولي مبلغ من دولة عربية لهنا ف مصر؟

بعت حواله لامى فلم تجد نقود فى مكتب البريد ومتقدرش تروح مكتب بريد اخر لكبر السن واليوم الخميس صابح عطله رسميه ممكن الحواله تنتظر ليوم الاحد ارجو الرد مع خالص الشكر.

طب في تحويل بالدولار ولو في تحويل اد ايه رسوم تحويل 1000 دولار

ناسف علي التاخر في الردود علي استفسارتكم لمشكلة فنية في الموقع
- بالنسبة للتحويل البريدي من احد الدول العربية فهو لا ولكن يوجد يمكن التحويل من الدول العربية الي اي فرع بنكي من بنوك مصر ويمكن للشخص المستفيد صرفها ببالبطاقة ورقم الحوالة بدون اي مصاريف داخلية جوه مصر وغالبا تكون بالدولار
- بالنسبة لعدم وجود اموال باحد مكاتب البريد فممكن صرف نفس المبلغ من اي مكتب بريدي اخر او حتي الانتظار عدة ايام حتي يتوفر المبلغ بمكتب البريد بدون مشاكل
- لا يوجد تحويل بالدولار داخلي من محافظة الي اخري داخل مصر لا بريد ولا بنك ولا شركات تحويل اموال - ولكن يمكن الايداع المباشر في حساب الشخص المستفيد بالدولار اذا كان لديه حساب دولاري في احد البنوك ويتم الايداع في حسابه من اي شخص اخر باي فروع من فروع نفس البنك بدون اي مصاريف ادارية

هو لازم يكون معايا صوره البطاقه للشخص اللي هرسل ليه انا معايا اسمه وعنوانه ورقم البطاقه بس هل ينفع مش معايا صوره البطاقه بتاعته

يفضل ان تكون صورة البطاقة معاك وفي حالة توافرها يكتفي بالاسم الرباعي ورقم البطاقة فقط وفي حالة ان يكون المستلم اول مرة يتعامل بالبريد بيطلبوا منك رقم تليفونه المحمول لاستكمال البيانات فقط.

كم اقصي حد المبلغ مثلا يجوز تحويل مليون جنيه مصري

هو ينفع اعمل ايداع من البريد لرقم حساب فى بنك مصر ؟

هل لو اتبعت لي اكتر من حوالة من اكتر من شخص و عاوزة اخدهم مرة واحدة هل خصم رسوم التحويل عند الاستلام هيكون علي كل مبلغ لوحده ولا هيكون عليهم كلهم.. يعني مثلا 3 اشخاص بعتوا كل واحد فيهم 50 جنيه حوالة هيتم خصم العشرة جنيه من كل خمسين جنيه اتبعتت ولا هيجمعولي المبلغ 150 جنيه ويخصموا الرسوم العشرة جنيه مرة واحدة

الحد الاقصي للمعاملات او عمل حوالة بريدية بمكاتب البريد 40 الف جنيه مصري تقريبا في اليوم.
بالنسبة لاستفسار الاستاذة اية :- الايداع في بنك مصر من البريد فهوا للاسف مينفعش ايداع من البريد في بنك مصري او اي بنك اخر
بالنسبة للستاذة سارة : رسوم التحويل بتم تحصييلها علي كل تحويلة بمفردها يعني سواء حضرتك عملتي تحويل ل 3 اشخاص في نفس الوقت او تلت اشخاص بعتولك مبلغ معين في نفس الوقت او اوقات مختلفة بيتم احتساب رسوم التحويل ويكون تحصيلها وقت الارسال وليس وقت الاستقبال.

هل الحوالي البريد به تثبت حق الشخص الذى حول الفلوس أي بمثابة إيصال امانه يمكن رفعه فى حاله إنكار المحول له استلامه للمبلغ

هو انا لو عندي شركه ينفع افتح حساب ليا عندكم باسم الشركه دي والفلوس تجيلي علي اسم الشركه

هل نسبة 1% زادت ام لا؟؟

الحوالة البريدية تثبت حق الشخص في سداد الاموال لشخص اخر ( ويمكن التاكيد من سؤال احد المحامين) لانها تعتبر كايصال ايداع بنكي
بالنسبة للاستفسار من الاستاذ محمد علي فاستفسار حضرتك غير واضح يا ريت توضح قصدك ايه؟
نسبة ال 1 % حتي الان لم تزيد

الراسل ولا المستلم اللي بيدفع؟
ولو انا عاوزه المستلم اللي يدفع والبريد مصمم ان الراسل اللي يدفع ايه الحل؟

أنا عملت تحويل خارجي بشيك لحساب على البنك الزراعي المصري منذ خمسة عشر يوماولم يصل بالحساب حتى الآن مع العلم انه تم خصمه من الرصيد بالبريد

بيتم خصم رسوم التحويل دائما اثناء الارسال (زيها زي ما بتبعتي بريد بياخد منك رسوم البريد مش بياخدوا من اللي ح يستلم) لان ممكن اللي ح يستلم ما يروحش يستل الفلوس وترجع لحسابك تاني بعد مدة معينة وبتصرفيها بس وطبعا بتروح عليكي الرسوم.
بالنسبة للتحويل الخارجي لحساب البنك الزراعي فانا للاسف معنديش خلفية عن مواضيع التحويل الخارجية من البريد لاحد البنوك برجاء التواصل مع الدعم الفني للبريد المصري للافادة

حضرتك انا روحت كذا مكتب علشان اسحب الحوالة يقولولي مفيش فلوس
كنت عاوز اعرف حضرتك اسحب من فين 30000

هو ممكن استلم الحواله البريديه بصوره البطاقه ولا لا
ارجو الرد ضروري

لو حد عملي حواله وسبتها يوم او اتنين يعرف يسحبها تاني ولا لازم وقت معين يعني لو سبتها هتفضل باسمي لوقت معين وهو ميعرفش بسخلها تاني

لاستلام المبالغ الكبيرة في التحويلات البريدية يرجي الذهاب الي المراكز الرئيسية للبريد حيث ان المبالغ الكبيرة لا تتوافر في معظم مكاتب البريد ويرجي مرة اخري عند تحويل مبالغ كبيرة تقسميها علي مبالغ صغيرة علي كذا حوالة يعني مش ح تفرق في المصاريف نهائي بس ح تعرف تصرفهم كل حوالة لوحدها.
لا يمكن الاتسلام بصورة البطاقة لازم البطاقة ذات نفسها تكون متواجدة الا اذا كان حد حبيبك بقي وعارفك شغال في مكتب البرد
في حالة ان اي حد عمل حوالة لحد المفروض ان ميعرفش يستردها تاني دية القوانين القديمة لكن معرفش اذا كان ليها تحديث ولا لاء حاليا بس يمكن تغير بينات الحوالة مقابل 8 جنيه تقريبا

هل أقدر أحول من السعودية على حساب البريد المصري المبلغ الخاص بحجز شقة بمشروع بنك التعمير والإسكان الخاص بالتمويل العقاري؟ لأنهم طالبين في المستندات صورة من إيصال الدفع على البريد المصري؟

للاسف المعلومة دي غير متاحة عندنا

هو انا لو عوز ابعت لي حد فلوس 500جنيه ازى

انا من الرحاب عاوزه احول فلوي لشخص لبوسطه وانا مش معايا بطاقه اعامل ايه

انا عوز احول فلوس بس مش عارف ازى

هو لو انا مبعوث لي حولة من دوله أجنبية ممكن استلام هذة الحولي

اليوم 8 من ذي الحجة وغدا إجازة ولي حوالة في البريد فهل هناك أماكن يمكن أن أستلم منها الحوالة اليوم؟

للاسف لازم يكون معاك بطاقة عشان تحول لحد فلوس عن طريق البريد ممكن بقي اي حد صاحبك او قريبك يروح معاك البريد وهوا اللي يعمل الحوالة باسمو.
المقالة مكتوب فيها طريقة تحويل الاموال عن طريق البريد المصري بالتفصيل برجاء قراءة المقالة ولو فيه جزئية مش مفهومة راجعنا واحنا ح نوضحها لحضرتك
الحوالات الاجنبية مش بتيجي عن طريق البريد بتيجي عن طريق البنك الشخص بيحولك حوالة باسمك علي فرع بنك معين داخل اي مكان في مصر وبتروح تستملها من الفرع برقم الحوالة والبطاقة الشخصية
يمكن استلام الحوالة بعد انتهاء فترة اجازات الاعياد مع العلم ان المكاتب الرئيسية في البريد بتشتغل فترة صباحية في ايام الايعاد والاجازات

شخص استلف مني فلوس وحولت المبلغ عن طريق البريد وبعد كدا انكر انو اخد الفلوس هل اعرف اثبت قانونا انو اخد الفلوس عن طريق ايصال الارسال

ده سند قانوني انك بعتلوا الفلوس وعلي ما اعتقد ممكن تجيب افادة من البريد ان الشخص استلم الفلوس من اي مكتب وامتي والمبلغ كان كام

عاوز اعرف هل تم تحويل ليه امول ولا لاء ايه الطريقه

ح تروح تسئل في البريد

هل ممكن التحويل باستخدام بطاقة بنكية من موقع هيئة البريد

هو ينفع استعلم عن حواله من الانترنت

السلام عليكم
لو سمحت عاوز اعرف هو ينفع اطلع كشف حساب بفلوس انا حولتها واستلمتها من اشخاص

ممكن ارسل رساله علي الرقم التلفون انا الحوله وصلت

لا يمكن استخدام البطاقة البنكية لدفع قيمة الحوالة البريدية -- بتدفع كاش فقط
للاسسف معرفش اذا كان كشف الحساب من مكتب البريد متاح او لاء
وخدمة الرسائل النصية للحوالات النقدية الفورية في البريد المصري غير متاحة حتي الان الخدمة متوفرة للحوالات الخارجية بالبنوك المصرية فقط
والاستعلام عن الحوالة البريدية عن طريق موقع البريد المصري غير متوفر حاليا

ضروري كتابه عنوان مكتب البريد للمستلم؟

استلام الحوالة البريدية لا يلزم كتابة الفرع الذي سيتم فيه التسليم فالمستلم يمكن ان يصرف الحوالة البريدية من اي مكتب علي مستوي الجمهورية

هل من الممكن اني اخد برنت حصل عن طريق رقم بطاقتي هل ينفع

برجاء توضيح الاستفسار الخاص بكم

عايز اعرف. عندي حوالة في البريد ولا لاء
وكام المبلغ المحول . اعرف ازاي

هل من الممكن ان يحول لي شخص ليس لديهاصل باقته او بطاقته منتهيه

هل يمكنني التحويل لشخص حال انتهاء بطاقتي او كان لدي صوره فقط من بطاقتي الساريه

لازم يكون اصل البطاقة معاك وتكون سارية عشان مكتب البريد يسمح ليك انك تحول او تستلم حوالة بريدية غير كده مش ح ينفع لا تستلم ولا تحول.
وعشان تعرف الحوالة البريدية اللي جيالك بكام لازم تروح مكتب البريد وتستعلم برقم بطاقتك عن الحوالة اللي باسمك

لو سمحت ممكن احول مبلغ من حسابى فى البريد الى حسابى فى البنك

عاوز احول 50 الف حوله واحد كام مصاريف التحويل

هل الحواله بتسجل بعد صرفه وله بتتمسح

التحويل من البريد الي حساب بنكي غير متاح حاليا تحويل بريد لبريد فقط.
لو محتاج تحول 50 الف جنيه عبر حوالة بريدية بتدفع 500 جنيه رسوم تحويل قيمة ال 1% بس علي ما اعتقد ح تضطر تعملها علي مرتين لان اقصي حد في التحويل البريدي بيكون 40 الف تقريبا
الحوالات بيتم تسجيلها لفترة زمنية معينة واعتقد انها فترة كافية لو عاوز تعمل استعلام عنها بعد فترة

انا جاتنى رساله على التليفون مرسله من بى دى سى مكتوب فيها رقم حوالة معرفش ايه دى ممكن الافادة

ايصال استلام الحواله المزيل بتوقيع المستلم للمبلغ والذي يحتفظ بة البريد ما هي مده حفظه بارشيف البريد وكيفية استرجاعه من الارشيف هل من مكتب البريد الراسل او المرسل اليه

استاذ حازم -- عادة دي بتكون رقم حوالة بنكية جاية من خارج مصر وكده فيه احتمال كبير جدا انها تكون جاية لرقم حضرتك غلط بيكون اللي حول الفلوس بره مصر كتب الرقم غلط وطبيعي انك مش ح تعرف تصرفها لانها بتتصرف ببيانات المرسل اليه الحوالة (حدث معايا شخصيا الكلام ده اكثر من مرة مع حوالات خاريجة للبنك الاهلي)
للاسف المعلومة غير متوفرة حاليا عن المدة اللي بيحتفظوا بيها بايصال الاستلام سيتم الاستفسار من البريد وموافتكم بالمعلومة

هل ايصال الحواله يعتبر اثبات فى المحكمه لو المحول اليه مثلا رفع قضيه بايصال امانه وانكر استلام المبلغ

هوا ينفع استلم الفلوس اللى مبعوتة من اى مكتب بريد ولا لازم مكتب معين ؟؟

استلام الاموال في البريد ينفع من اي مكتب بريد علي مستوي الجهورية كلها وغير مقيد بمكتب معين بدون اي مشاكل.
ايصال الحوالة لا يعتبر اثبات لان الحوالة لو المستلم مستلمهاش تبقي موصلتوش لكن ممكن تطلب ما يفيد من مكتب البريد ان الشخص ده استلم الحوالة ودية تعتبر اثبات رسمي ان الفلوس وصلتوا ...