احدث المواضيع

الاثنين، 28 أغسطس 2017

سحب الرصيد المصري المجمد من بنك باي بال PayPal

 سحب الرصيد المصري المجمد من بنك باي بال PayPal

باي بال PayPal غني طبعا عن التعريف وبعتبر اشهر بنك الكتروني موجود حاليا واللي مخليه اشهر بنك الكتروني ان اغلب مواقع الانترنت بتقبل الدفع من باي بال عشان كده شهرتوا بقت واسعة جدا

بس احنا في مصر عندنا مشكلة جامدة جدا وهية اننا مش بنعرف نصرف اي رصيد مبعتلنا علي باي بال PayPal

في المقالة دية ح نوضح ايه هية الطرق المتبعة حاليا في 2017 لصرف ارصدة الباي بال في مصر.

مشكلة تجميد الرصيد في حسابات باي بال PayPal المصرية


مبدئا حاليا انت لو عندك حساب مصري واستقبلت اي رصيد عليه فالرصيد ده للاسف مش بتقدر تستخدموا في اي نوع من انواع الشراء او حتي انك تبعت الرصيد ده لاي حد مقابل خدمات او تبيعوا لوسيط مالي لان الحسابات المصرية باي بال قفلت التعامل مع الارصدة اللي فيها وبتسمح بس لو عندك رصيد بانك تسحبوا علي بنك امريكي او فيزا تدعم السحب من باي بال.

ربط باي بال PayPal بحساب بنكي امريكي


الحجات المتبعة قديما كانت الناس بتعمل حساب علي بنك بايونير الامريكي واللي شرحناه في مقالة قبل كده وشرحنا ازاي تربطوا بباي بال واللي عاوز يشوف المقالة من خلال اللينك ده.

http://www.floos-online.com/2017/01/payoneer-registration.html


ربط باي بال PayPal بفيزا


تاني حل هوا ربط الحساب بتاع باي بال باي نوع فيزا تدعم السحب من باي بال ونظرا لان البنك المركزي عاطي تعليمات لكل البنوك بعدم التعامل مع البنوك الالكترونية خاصة قبل فترة التعويم واللي كان فيه مضاربات قوية علي سعر الدولار في مصر فتقريبا كل البنوك في مصر قفلت التعامل مع باي بال واللي كان مقتصر التعامل في باي بال علي السحب من الفيزا زيوا زي اي موقع تاني بتشتري منوا اي متعلقات.

بس بعض البنوك احتفظ بحقها في استلام الاموال من الباي بال وده الحل اللي ح نقولوا في المقالة دية.

من الطرق الاخري هوا استخدام بطاقة ديكسي باي ودية ح ننزل الشرح بتاعها في مقالة وهية شغالة بدون مشاكل ويعيب فيها بس المصاريف العالية اللي بتخدها البطاقة علي كل سحب فلوس.

كيفية سحب الاموال من باي بال PayPal في مصر


دلوقتي نيجي للجزئية المهمة ازاي تسحب فلوسك دلوقتي من باي بال في مصر.

انت عندك حساب باي بال خلاص وفيه فلوس ومش عارف تسحبها؟

من البنوك المحترمة في مصر ولسه بتتعامل مع باي بال بنك اتش اس بي سي HSBC

وطبعا انا بكتب المقالة دية بعد ما اتاكدة من السحب واستلمت الفلوس عي الفيزا بتاعتي.

ازاي نعمل فيزا في بنك اتش اسي بي سي HSBC



اولا لازم تكون موظف وشركتك بتعملك تحويل مرتب علي حساب في الاتش اس بي سي HSBC

ثانيا انك تعمل حساب في البنك لو معندكش تحويل مرتب عليهم ونظرا لان بنك اتش اس بي سي بيتعامل مع ناس محددين فمن الشروط الاساسية ان رصيدك في البنك ميقلش عن 10 تلاف جنيه يا اما بتدفع غرامة شهرية قدرها 50 جنيه ده لو معندكش تحويل مرتب عليهم.

فانت ح تفتح حساب وفتح الحساب بحد ادني بيكون ب 10 تلاف جنيه وتطلب منهم انك تعمل فيزا (لازم فيزا مش ماستر كارد عشان باي بال قافل الارسال لماستر كارد)

طريقة ربط فيزا اتش تس بي سي HSBC ببنك باي بال PayPal


الفيزا ح تاخد تقريبا 10 ل 15 يوم لغاية متوصلك واول متوصلك الفيزا بتعمل ربط ليها علي حساب الباي بال وده بياخد تقريبا يوم للربط والتفعيل بعدها الفيزا بتكون جاهزة انك تستقبل عليها فلوس من الباي بال بدون ادني مشاكل.

اول ما بتستلم الفيزا بتفتح حساب الباي بال بتاعك وبتعمل اضافة حساب بنكي او فيزا وتختار فيزا وبعدين بتكتب رقم الفيزا وتاري الانتهاء والرقم السري اللي هما التلت ارقام اللي موجودين علي بطاقة الفيزا من الخلف يعدها باي بال بيسحب حوالي 1.5 يورو من الفيزا وبيكتب في تفاصيل عملية السحب كود مكون من اربع ارقام بتجبهم يا اما بالاتصال بخدمة العملاء يا اما تفاصيل العملية بتتبعتلك علي رقم الموبيل اللي انت فاتح بيه الحساب في الاتش اس بي سي وباي بال بيطلب منك الالربع ارقام دول عشان يفعل الفيزا للسحب عشان يتاكد من ان الفيزا غير اتفراضية وانها ملك لصاحب الحساب.

بعد تفعيل الفيزا مباشرة بتكون جاهز انك بترسل فلوسك من باي بال علي الفيزا مقابل 5 دولار لكل عملية سحب من باي بال للفيزا.

معرفش الحد الاقصي للسحب من الباي بال للفيزا للمرة الواحدة بس هوا اعلي من 1500 دولار

الفلوس بتوصلك تقريبا في خلال 5 ايام بتنزل في حساب الفيزا وبتقدر تصرفهم بعدها من اي مكنة او البنك.

طبعا لو حد يعرف اي طريقة اخري لسحب الاموال من باي بال يا ريت يكبتها في التعليقات وشكرا ليكم وبالتوفيق ان شاء الله

الثلاثاء، 22 أغسطس 2017

حقيقة موقع kabmoney.club

حقيقة موقع kabmoney.club



موقع kabmoney.club من احد المواقع اللي طالعة جديد وبيوهمك انك ح تكسب وانت قاعد في بيتك من النت مبالغ تصل ل 100 او 500 دولار في اليوم.

تعريف موقع kabmoney.club

الموقع عبارة عن انك بتدخل تشوف اعلانات وبيظهرك عدد مكون من اربع ارقام وبيطلب منك تدخل الرقم ده صحيح في مربع في الصفحة بتاعة مشاهدة الاعلانات وكل مرة تدخل الرقم صحيح بيتحسبلك مشاهدة وبتكسب فيها 0.1 دولار (10 سنت) وبحسبة بسيطة كده انت ممكن تكسبلك 100 دولار في ساعة بدون اي مجهود.

طبعا الموقع اتشهر بقالو فترة من اسبوع كده في مصر وبدءت اللينكات بتاعتو تنتشر وبيطلبوا الناس اللي دخلو عليه انك تعمل حساب عليه خاصة ان الموقع بيدي 50% من ارباح اي حد ح يدخل باسمك لصاحب الدعوة يعني لو اللي دخل باسمك بياخد علي الاعلان 0.1 دولار انت ح تاخد كمان 0.05 دولار وهكذا.

يعني ح تعمل مبلغ خرافي.

كلام جميل وممتاز جدا يعني وتدخل تلاقي الموقوع سريع وحلو جدا وبيديك اعلانات طول اليوم لو حتي ح تشتغل عليه 10 ساعات.

الموقع اقل سحب فيه 150 دولار يعني متقدرش تسحب فلوسك قبل متوصل لمبلغ 150 دولار وطبعا عشان الموقع يضمن انك عملت مشاهدات كتير ب ال 150 دولار يعني 1500 مشاهدة وكتابة ارقام.

ازاي تسحب فلوسك من kabmoney.club

جميل دلوقتي انت عملت ال 150 دولار و حبيت تسحبهم الموقع بيقلك يلا بينا ممكن تسحبهم علي حساب بنكي او بتكوين او حتي باي بال بتدخل تكتب انت عاوز تسحبهم علي ايه وتيجي المفاجئة هنا ان الموقع بيطلب منك انك لازم تدخل 40 واحد باسمك عشان يستخدموا الموقع ده يعني لازم تعمل دعوة ل 40 واحد وطبعا انت مش ح تسيب ال 150 دولار فتروح رايح علي الفيس بوك وتوتير وقاعد تنشر لينك الدعوة الخاص بيك والموقع كده يتشهر قوي والموقع كمان بيقلك لو انت مش عارف تجيب 40 واحد اشتري من عندي شوية ناس وخد فلوسك تدخل عي صفحة الشراء وتختار ح تشتيري من مين وتيجي بقي للدفع الموقع بيقبل بيتكوين بس (ودي العملة اللي لا تقدر ترجع فيها فلوسك ولا حد يقدر يتتبع تحويلاتها) ولازم تدفع عشان تاخد فلوسك.

فانت لو قلبك جريئ واشتريت الدعوات احب اقلك كل سنة وانت طيب وراحت عليك فلوسك عشان الموقع بعد ما بيستلم فلوسك بيقفلك الاكونت بتاعك بحجة ان انت عملت ريجستر باسم مخالف او سجلت نفسك باسم من ضمن الناس اللي انت عملتهم دعوات او اي حجة تانية.

ولو حد حب يدور علي صحاب الموقع عشان يعرف مين صحابو ويحاول يوصلهم ح يدخل علي موقه whois عشان يعرف صحاب الدومين مين والمفاجئة التانية هنا ان صحاب الموقع شارين حماية ان المعلومات الشخصية او وسائل الاتصال يهم متكونش معروضة يعني فلوسك راحت وتعبك راح.

هل موقع  kabmoney.club  نصاب ولا لاء:-

بعد الشرح ده احب اقلكم ان موقع kabmoney.club نصاب بمنتهي الجدارة.

ونصيحة وانتوا بتشوفوا اي موقع شبيهة زي كده افتكروا جملة ( ان الحداية مش بتحدف كتاكيت).