احدث المواضيع

الخميس، 4 مايو 2017

فودافون كاش Vodafone Cash

فودافون كاش Vodafone Cash

سنشرح في هذه المقالة كل ما تود معرفته عن فودافون كاش بالتفصيل.




فودافون كاش هي الخدمة التي اتاحتها شركة فودافون لسهولة تحويل الاموال من شخص الي اخر عن طريق استخدام رقم الهاتف المحمول لكل من الشخص الراسل والمرسل له بديلا عن استخدام ارقام حسابات البنوك العادية وتضيف فودافون اليها العديد من الخدمات والتحديثات لتناسب احتياجات العملاء بشكل مستمر حيث حاليا يتم شحن الرصيد ودفع الفواتير من خلال خدمة فودافون كاش.
فمن خلال الهاتف المحمول يمكن تحويل الاموال من والي اي شخص لديه رقم هاتف محمول اخر في اقل من دقيقة واحدة ليستلم الطرف الاخر امواله من اي فرع من فروع فودافون وذلك نظير مبلغ بسيط يقدر ب 2% من حجم التعامل.


الاشتراك في فودافون كاش  Vodafone Cash ؟

الاشتراك في خدمة في فودافون كاش مجاني، وذلك عن طريق التوجه لفرع فودافون او اي موزع معتمد وتطلب الاشتراك في خدمة فودافون كاش ويشترط ان تمتلك خط فودافون مسجل باسمك او عليك القيام بشراء خط فودافون وتسجيله باسمك لان رقم الهاتف يعتبر بمثابة رقم حسابك والذي يستخدم في استلام الاموال من الاطراف الاخري وتكلفة شراء الخط الجديد من فروع فودافون الحالية 85 جنيه.

سيطلب منك موظف الخدمة بالتوقيع علي استمارة طلب الاشتراك في خدمة فودافون كاش Vodafone Cash وسيتعين عليك بعدها تنشيط الخدمة وضبط الرقم السري الخاص بالخدمة والذي يستخدم لتاكيد جميع العمليات التي تتم علي الحساب سواء تحويل الاموال او صرف الاموال من فرع فودافون او حتي استعلام عن الرصيد او شحن الرصيد من خدمة فودافون كاش Vodafone Cash.


حدود استخدام فودافون Vodafone Cash ؟

حدود استخدام فودافون كاش اليومية والشهرية  بداء من يوم الجمعة 15 ديسمبر 2018 تبعا لتعليمات البنك المركزي كالأتي:-
  • السحب او الايداع او التحويل اليومي 6000 جنيه كحد اقصي. 
  • الايداع او التحويل الشهري 50000 جنيه كحد اقصي (خمسون الف جنيه). 
  • رصيد المحفطة يكون بحد اقصي 10000 جنيه. 

يمكن تسجيل 3 خطوط فودافون كحد اقصي بالنسبة للفرد الواحد في فودافون كاش لكل خط حساب خاص.

ملحوظة
يسمح لكل فرد 3 خطوط سواء كانت فودافون او شبكات اخري تشترك في خدمة نقل الاموال بحد اقصي بحث ان كنت مشترك في خدمة فودافون كاش بخط واحد يحق لك ان تشترك في اتصالات خدمة فلوس بخطين او خط في خدمة اتصالات فلوس وخط في خدمة اورنج موني اما اذا كنت مشترك في تلت خطوط فودافون كاش فلا يحق لك الاشتراك في خدمة فلوس من اتصالات او اورنج موني.

رسوم فودافون كاش  Vodafone Cash ؟

الاشتراك في خدمة فودافون كاش Vodafone Cash مجاني ولكن هناك رسوم عند اجراء العمليات في الحساب :-

1- الايداع في الحساب مجاني بمعني انه اذا كنت تريد ايداع مبلغ 500 جنيه في حسابك في فودافون كاش بعد الاشتراك فما عليك الا بالذهاب الي فرع فودافون واعطاء الموظف مبلغ 500 جنيه وسيتم ايداعهم في حسابك بالكامل ويصلك رسالة بعملية الايداع.
2- تحويل الاموال بين ارقام فودافون تكلف الخدمة 1 جنيه تخصم من رصيد فودافون كاش اي كان المبلغ المرسل - بمعني انه اذا كنت ترغب في ارسال مبلغ 100 جنيه اوحتي 2000 جنيه الي رقم معين فيجب عليه اضافة جنيه واحد عند شحن رصيدك في فرع فودافون كاش.
3- سحب الاموال المستلمة في فودافون كاش يتم من خلال فرع فودافون او من خلال ماكينات السحب الالي الخاصة بالبنك التجاري الدولي ومصاريف السحب هي  1% تخصم من المبلغ المسحوب بمعني اذا استلمت مبلغ 1000 جنيه وذهبت الي فرع فودافون كاش لسحب المبلغ سيقوم الموظف بتسليمك 990 جنيه.

وبحسبة بسيطة يعني ذلك انه اذا اردت ان ترسل لاحد مبلغ 1000 جنيه كاملين فعليك بايداع مبلغ 1011 جنيه في حسابك في فودافون كاش وسيقوم الطرف المستلم باستلام مبلغ 1000 جنيه كاملا.

لا توجد اي مصروفات حالية اخري خاصة بخدمة فودافو كاش.


هل يمكن ارسال من فودافون كاش الي اتصالات كاش او اورنج موني؟

حاليا قامت شركة فوادفون كاش بتفعيل خدمة ارسال الاموال الي الشركات الاخري بعض ايقافها فترة وذلك حسب المصاريف التالية:-
الارسال من فودافون كاش Vodafone Cash الي اتصالات فلوس Etisalat Flous يتم خصم 2% من قيمة المبلغ عند الارسال.
الارسال من فودافون كاش  Vodafone Cash الي اورنج  Orange Money موني يتم خصم فقط رسوم الارسال العادية 1 جنيه.

كيف تتم عملية تحويل الاموال في فودافون كاش :-

لتحويل الاموال في فودافون كاش برجاء اتباع الخطوات الاتية
  • لايداع الاموال قم بزيارة أقرب فرع من فروع فودافون وفور إيداع المبلغ ستصلك رسالة تأكيد على تليفونك المحمول تُخبرك بنجاح عملية الإيداع والمبلغ الذي قمت بإيداعه .
  • الحد الأقصى لتحويل الأموال اليومي من 3 جنيه حتى 6000 جنيه و 50000 جنيه شهرياً .
  • إرسال الأموال وذلك عن طريق الخدمة الصوتية وهو القيام بالاتصال برقم 7000 من خط فودافون المفعل عليه الخدمة او استخدام الكود المختصر #9*  ثم اتباع التعليمات في كلا الطريقتين.
  • ولسحب الأموال من خلال فروع فودافون او من خلال ماكينات السحب الالي للبنك التجاري الدولي ففي الحالة الاولي يتم الذهاب الي فرع فودافون وطلب سحب المبلغ المراد من محفظة فودافون كاش حيث سيتم ارسال كود تاكيد سحب الاموال الي الرقم المسلج به الخدمة لتاكيد عملية السحب ثم استلام الاموال من الموظف المختص.

اما للسحب و الايداع من ماكينات الـ ATM

دلوقتي تقدر تسحب و تودع فلوس في حسابك في ڤودافون كاش عن طريق ماكينات ال ATM للبنك التجاري الدولي CIB. وتقدر تعرف أقرب ماكينة ATM من خلال الاتصال بالكود #9*9*
ايه هي الماكينات اللي ممكن اسحب منها؟
كل ماكينات CIBممكن السحب منها من حسابك في ڤودافون كاش.
ايه تكلفة الخدمة؟
الايداع ببلاش و السحب بنفس التكلفة العادية 1% بحد ادني 3 جنيه

خطوات الايداع في ماكينات الـ ATM

اذهب لماكينة الصراف الالي الخاصة بالبنك التجاري الدولي و اضغط علي “خدمات بدون بطاقة ”  ”ڤودافون كاش ” ”ايداع” ثم ادخل الموبايل ثم  الرقم السري الخاص بحسابك في ڤودافون كاش. ثم قم بايداع المبلغ في مايكنة الصراف الالي والتي ستقوم بعد المبلغ ويظهر علي الشاشة بعد ذلك تقوم بتاكيد المبلغ الذي سيتم ايداعه وهكذا تم ايداع المبلغ.

خطوات السحب من ماكينات الـ ATM
قبل ما تروح للماكينة استخرج رقم سري من تطبيق " أنا ڤودافون" او كود #22*9* لتسهيل عملية السحب عند الماكينة
عند شاشة الصراف الالي اضغط علي  “خدمات بدون بطاقة ”  ”ڤودافون كاش ”  ”سحب
ستقوم ماكينة الصراف الالي بسئوالك لو عندك الرقم السري المؤقت اضغط "نعم" وقم بادخل الرقم السري اللي استقبلته في رسالة ماكينة الصراف الالي ثم ادخل رقم الموبايل ثم ادخل المبلغ اللي عايز تسحبه ثم قم بتاكيد المبلغ.

ما هي  الخدمات الاخري التي تقدمها فودافون كاش :-

خدمة شحن الرصيد ودفع الفواتير


لا يوجد رسوم على دفع الفواتير وشحن الرصيد، كما أن الحد الأقصى لشحن الرصيد هو 200 جنيه في العملية الواحدة والحد الادني 2 جنيه.

لشحن الرصيد لنفس رقم الهاتف
اطلب #قيمة الشحن*0*9*

لشحن الرصيد لرقم اخر
اطلب #قيمة الشحنة*رقم الموبايل*3*9*

كما ان الحد الأقصى لدفع الفواتير هو 1000 جنيه في العملية الواحدة .

لو عايز تدفع فاتورتك او لأرقام تانية
اطلب #قيمة الشحنة*رقم الموبايل*4*9*

فروع فودافون كاش

يمكنك حالياً معرفة أقرب فرع فودافون إليك، عن طريق الاتصال بخدمة العملاء على الرقم المُختصر 888 من هاتفك المحمول وتكلفة هذه المكالمة 50 قرشاً، أو قم  باستخدام الصفحة التالية للبحث ومعرفة أقرب فرع فودافون لديك .



في ظل الظروف الحالية لمكافحة فيروس كرونا قد تقرر بداية من 25/3/2020  ان تكون الحدود اليومية للتعامل مع محفظة فودافون كاش 30 الف جنيه والتعامل الشهري بقيمة 100 الف جنيه كما تم خصم عمولة التحويل من محفظة فودافون كاش الي اخري بقيمة 1 جنيه ليكون التحويل مجاني اما التحويل لاي محفظة اخري فيخصم 1% من قيمة التحويل عند التحويل كما ان سحب فودافون كاش من ATM الخاص بالبنك الاهلي مجاني وذلك لفترة محددة حتي اشعار اخر.


مُحدد مواقع و فروع فودافون



اخر تحديث للمقالة 30/3/2020

84 comments:

فودافون كاش تحسنت كثيراً بعد التحديثات التي جرت مؤخراً، شكراً على الشرح

كيف يتم التحويل من وإلى بريطانيا

اهلا بحضرتك استاذ عصام .. نحن لا نتعامل خارج مصر في مقابل اي كاش سواء جنيه او دولار
التعامل لاي فرد خارج مصر بيكون عن طريق مبادلة العملة من بنك الكتروني الي بنك الكتروني اخر
يمكن متابعة سعر التبديل من علي الصفحة التالية
http://www.floos-online.com/p/blog-page_22.html

هل استطيع الحصول علي وثيقة تثبت تحويلي لمبلغ ما لشخص ما في حاله التقاضي القانونية؟

نعم يمكن الحصول من فودافون علي سجل بجميع النشاطات التي تتم من خلال رقمك سواء ارسال او استقبال فقط اتصل بخدمة عملاء فودافون 7001 واطلب منهم التقرير كما تريد ليوم محدد او فترة زمنية محددة ويتم استلام التقرير من اي فرع فودافون حيث يتم طباعته وتاكد من ان موظف الخدمة في الفرع سيقوم بختمه بختم فودافون

هل اذا كنت اريد ارسال الاموال من فودافون كاش ل اورانج موني سيكون الكود

*7000*7*رقم اورانج*مبلغ التحويل#

*7000*7*Orange Number*المبلغ#
هل ده الكود اللي بستخدمه لو احتاجت احول من فودافون كاش ل اورانج موني و هيتم خصم جنية بس ؟

هية للاسف المعلومة بتاعة الخصم ح يكون كام بالظبط لو ح تحول لاورنج موني مش مؤكدة بس لو ح تحول من فودافون كاش لاتصالات كاش مثلا فبيتخصم منك 2% عند التحويل نظرا لان اتصالات مفيهاش اي خصومات سوا في السحب او الايداع او التحويل لكن فودافون فيها خصم 2% فلما تحول من فودافون كاش لاتصالات كاش بيتخصم منك 2% رسوم تحويل للاسف...
بالنسبة للكود يفضل استخدام الرسائل الصوتية بالابتصال برقم 7000 واتباع التعليمات.

كيف يستقبل الطرف الاخر اشعار ان تم تحويل مبلغ له .. هل رسالة من فودافون وبه رقم المرسل . ام رسالة من رقمى . وهل يكتب في الرسالة المبلغ .. ام يبلغه ان له تحويل فقط . وهل يوجد فترة معينه لسحب المبلغ

الاستاذة ريم
فور ارسال الاموال من فودافون كاش من اي طرف الي طرف اخر يتسلم كل طرف رسالة تاكيد بالنسبة للطرف المرسل يستلم رسالة بها المبلغ المرسل والرقم المرسل له وتكلفة عملية الارسال والرصيد المتبقي لدي المرسل ورقم العملية في فودافون ام الطرف المرسل له فيستقبل رسالة بها رقم الراسل والمبلغ ورقم العملية في فودافون

شكرا للرد .. استفسار اخر .. كيف اعلم ان المرسل له استلم المبلغ بالفعل .. وماذا لو لم يستلمها .. هل توجد مدة معينه لاستلامه للمبلغ؟

هل يمكن تحويل فلوس من خارج مصر من خطي فودفون كاش من حسابي لمصر

بمجرد وصل رسالة التاكيد الخاصة بعملية التحويل الي الهاتف الخاص بالشخص المحول تكون هناك رسالة اخري وصلت للشخص الذي تم تحويل الاموال له وتتم عملية التحويل في نفس الوقت ولكن يمكن ان تتاخر رسالة التاكيد ثلاث او اربع دقائق وفي حالة فشل عملية التحويل يصل الي الشخص الذي يقوم بعملية التحويل رسالة تفيد بعدم اتمام عملية التحويل وسبب ذلك عادة ما يكون اما الرصيد لا يكفي او الرقم السري خطاء.
لا يمكن استخدام خدمة فودافون كاش لاستقبال الاموال من خارج مصر.
المدة المحددة للاحتفاظ بالاموال داخل محفظة فوداون كاش غير مؤكدة.

هل لازم اكون مشترك فى فودافون كاش علشان استلم فلوس متحوله ليا؟

نعم لابد من تفعيل الخدمة اولا علي خط فودافون قبل استقبال الاموال وفي حالة عدم تفعيل الخدمة لن يستطيع احد ارسال الاموال اليك وستصل الي المرسل رسالة خطاء في اتمام العملية وان عملية التحويل فشلت

لو سمحت عايزه أحول 90 جنيه يوصلوا كاملين أضيف قد ايه على ال 90 من فضلك

في الوقت الحالي فودافون بتخصم 1% فقط عند استلام الاموال وبيتخصم من اللي بيحول 1 جنيه قيمة التحويل او نصف جنيه للناس اللي كانوا دخلوا في العرض من السنة اللي فاتت
عشان تحولي 90 جنيه لطرف تاني يستلمهم كاملين ح تضيفي عليهم 1 جنيه رسوم التحيول و 1 جنيه تاني رسوم السحب من الطرف التاني يعني تشحني فودافون كاش بقيمة 92 جنيه

لو سمحت هو لازم اكون حاطة 500 جنيه في الاول؟

لا مش لازم طبعا بعد الاشتراك في الخدمة من خلال الفرع ممن تعملي ايداع لاي مبلغ او تستقبلي علي خطك اي مبلغ بحد ادني 5 جنيه

لو سمحت عايز اعرف لو بعت مبلغ 5950 جنية يوصلوا للطرف الاخر كام ادفع اجمالي بالرسوم

لو حطيت في حسابك 5950 جنيه عاوز تعرف يوصلوا للطرف التاني كام بحسبة بيسطة كده
5950 - 1 جنيه (رسوم التحويل لو مكنتش مشترك في عروض الخصم علي رسوم التحويل) = 5949 جنيه
يعني ح يتبعتوا للطرف التاني 5949 جنيه ح يستلمهم 5890 بعد خصم رسوم الخدمة 1 %

بتتحسب كده
(المبلغ المرسل / 101 ) * 100 = المبلغ المستلم

الحد الادنى للأيداع كام ؟؟

الحد الادني للايداع ح يكون الحد الادني لارسال الاموال 5 جنيه + تكلفة ارسال الاموال واحد جنيه

حولت رصيد لرقم فودافون كاش وكان رصيدى 466 وبعد تحويل 25 جنية لقيت الرصيد 415 عاوزة اعرف ليه اتخصم 50 جنية

طب شغال غلي النت بجمع منو الفلوس في تحويل فيزا وفودافون كاش وهو بدولار انا عايز احسب الفلوس الي لشتغلت بيها اعمل ايه +مفيش فلوس بالدولار






ممكن اعرف الكود اللى اقدر ارسل رصيد لنفس الخط الكاش رصيد عادى للمكالمات

عذرا للتاخير في الردود علي استفسارتكم لوجود عطل فني بالموقع
بالنسبة للتحويل في فودافون كاش وانوا خصم 50 بدال 25 هوا اي تحويل في فودافون بيجي بعدها رسالة تاكيد بالمبلغ اللي اتخصم والرقم اللي ابتعلتوا المبلغ والمبلغ المتبقي في حسابك -- في حالة حدوث خطاء يرجي الاتصال بالدعم الفني لفودافون كاش علي رقم 7001 وتمن المكالمة 50 قرش.
بالنسبة للاستاذ محمود كريم فسؤال حضرتك مش واضح
- بالنسبة للاستاذ مازن يمكن الاتصال برقم معاملات فودافون كاش 7000 والمكالمة مجانية واتبع التعليمات لاجراء اي عملية سواء تحويل اموال او سحب او شحن خطوط فوداون.

لو سمحت حضرتك هل ممكن احول مبلغ من فودافون كاش الي اورنج موني

مش متاكد من المعلومة بس علي ما اعتقد مينفعش لان اورنج موني مستقلة بالخدمة بتاعتها
يمكن التحويل من فودافون كاش الي اتصالات فلوس وبيتم خصم 1% من قيمة المبلغ عند التحويل .. كما يمكن تحويل من اتصالات فلوس الي فودافون كاش ولا يتم خصم اي مبالغ اثناء التحويل.

السلام عليكم
ممكن استخدام خط فودافون كاش خارج مصر

علي حد علمي لا يمكن استخدم خدمة فودافون كاش خارج مصر

بتصدف اكتر من مرة اروح اقرب فرع بنسبه ليه ويكون الرد
معنديش فلوس حاليا في الفرع
او السيستم واقع
انا هنا بكلم خدمة العملاء و مفيش حاجة بتتحل
مع ان الخدمة بنودها ادخل الفرع استلم فلوسي وامشي
من غير اي تعطيل
ايه الحل ؟
الخدمة فعلا سياه لان السببين دول بيتكرره كتير

لو سمحت انا مش مشتركه فى فودافون كاش وروحت لموزع لشركة فودافون وحول رصيد 600 جنيه بس مش ادانى أو إيصال والطرف التانى مفيش حاجه وصلت ليه اعمل ايه

بالنسبة للاستفسار عن عدم توافر فلوس داخل الفرع - حضرتك مش لازم تصرف المبلغ كلو مرة واحدة يعني لو حد حولك مثلا 1000 جنيه وروحت فرع معين وقالك معنديش 1000 جنيه اصرف 500 واصرف الباقي يوم تاني او من فرع تاني.. وقدم شكوي في الفرع اللي رفض يصرفلك مع العلم ان فيه بعض الاوقات فعلا مش بيكون في الفرع فلوس والله اعلم.
بالنسبة لاستفسار ان اللي بعت الفلوس موزع فودافون وعطاكي ايصال .. الايصال بتاع فودافون ده ايصال بياداع اموال في حساب شخص معين وده غير مصرح بيه غير بحضور صاحب الخط بنفسه للفرع .. هوا ممكن يكون عطاكي ايصال مثلا انوا شحنلوا رصيد برجاء ارسال صورة الايصال علي صفحتنا علي الفيس بوك عشان نعرف الايصال بتاع ايه
رابط الصفحة علي الفيس بوك
https://www.facebook.com/floose.online

شحنت رصيد
علشان احول لحد 100ج
بجيلى انه معاك بالمحفظه
واجى احول يقولي الرصيد مش كافى ممكن نحولك 4ج

برجاء التوضيح هو حضرتك شحنت رصيد فودافون كاش ولا رصيد موبيل عادي لان الاتنين مش زي بعض خالص دية حاجة ودي حاجة

هل في مدة لاستلام المبلغ المحول الي من خلال فودافون كاش

حضرتك لو حد بعتلي فلوس علي محفظتي في فودافون كاش بس أنا مش عاوز اسحبها دلوقتي. ينفع اخليها في حسابي علي فودافون كاش ولا لازم اسحب الفلوس بمجرد ماتجيلي؟

لا توجد مدة محددة لصرف الاموال من محفظة فودافون كاش يعني ممكن تخلهيا معاك في محفظتك حتي لو شهر مفيش مشاكل خالص

هل يمكن ان اقوم بتحويل المال من موقع باي بال الي فودافون كاش عن طريق كتابه الرقم ع موقع باي بال والضغط ارسنال ولكن المبلغ بالدولار هل يصل وهل يتعاملون مع موقع باي بال هناك نقود لي به وتريد تحويلها الي فودافون كاش اكتب الرقم وترسل من الباي بال ام لن يصل ام ليس مقبول عندكو ارجو الرد وشكرا

خدمة التحويل عن طريق باي بال مباشرة الي فودافون كاش غير متوفرة ولكن التحويل كان يتم عن طريق تحويل الرصيد الينا ثم دفع المقابل لكم عن طريق فودافون كاش ولكن للاسف نحن متوقفين عن التعامل حاليا مع باي بال

ازاي بس حضرتك بتقول لو حد بعتلي مبلغ وانا مش عايز اسحبها دلوقتي حضرتك بتقول ممكن تسيبها في محفظتك عادي انا علي اعتقادي مده الاستلام خلال 7 أيام لو مستلمتش المبلغ بيرجع للمرسل صح الكلام ده يافندم علشان انا حصل معايا موضوع ده

موضوع ال 7 ايام دول لو انت اتبعتتلك فلوس وانت مش مشترك في الخدمة بتفضل الفلوس متعلقة علي رقمك لغاية ما تشترك في الخدمة وده بعد التحديث الاول الرقم مكنش بيقبل استقبال اموال دلوقتي الفلوس بتفضل 7 ايام لو مسحبتهاش بترجع للي بعتها تاني .. في حالة انك مشترك في الخدمة فالموضوع عادي تفضل معاك علي رقمك بدون مشكلة

هل يمكنني استخدام فودافون كاش خارج مصر عن طريق تطبيق انا فودافون باستخدام بيانات الهاتف

فى شخص ما اتصل بى وقالى ان رقمى كسب مبلغ الف جنيه من فودا فون واريد ان اتحقق من ذلك

تطبيق انا فودافون مش بيفتح اساسا غير من خلال انك تكون مشترك علي نفس الخط في خدمة انترنت موبيل يعني لو بتفتح من بره مصر التطبيق مش ح يفتح معاك.
بالنسبة للنقطة بتاعة ان حد اتصل بيك وقالك انك كسبت 1000 جنيه في حالة انك كسبت فلوس في فودافون كاش بيتبعتلك رسالة من فودافون لكن مفيش حد بيتصل بيك عشان كده

هل أستطيع الاشتراك ف خدمه فودافون كاش بدون الذهاب إلي الفرع أو أستطيع الاشتراك بالذهاب إلي البنك

لابد من الذهب الي الفرع لتفعيل خدمة فودافون كاش عملية التفعيل تشبه تفعيل حساب بنكي خاص بصاحب الرقم عشان كده لازم التفعيل يكون شخصي

هل يحتاج صرف فلوس من فودافون كاش البطاقه الشخصيه

الايداع او السحب من خلال فروع فودافون لازم بالبطاقة الشخصية لكن من فروع فوري او من مكن ال ATM عادي بدون مشاكل المهم يكون الخط معاك

هو الشخص اللي بيحوللي فلوس ممكن يعرف بيانات الخط بتاعي بإسم مين وكده ولا مبيعرفش والتعامل بيبقا برقم التليفون بس؟؟

التعامل من خلال محفظة فوداون كاش في التحويل يكون برقم الهاتف فقط

ازاي اعرف اني وصلت للحد الأقصى للسحب الشهري ال هو ٥٠٠٠٠ ج من خلال كود معين من غير مااتصل على خدمة كاش

للاسف مفيش طريقة تعرف بيها اللي فاضل من الحد الاقصي للتحويل في محفظة فودافون بس انت ممكن تعمل اكسيل شيت تدون فيه العمليات بتاعتك سواء السحب او الايداع او الاستقبال او الارسال وتعمل تحديث ليه في كل عملية بتعملها وده ح يوريك انت بعت كام واستقبلت كام وفضلك كام كده يعني

لو سمحت أنا كنت عايزه احول فلوس عن طريق فودافون كاش وانا لسه هعمل محفظه ماليه لازم يكون معايا خط فودافون ولا ممكن من اي خط تاني

محفظة فودافون كاش مش بتتعمل غير علي رقم فودافون كاش - بس لو معاكي خط اتصالات مثلا ممكن تشتركي في خدمة اتصالات كاش - ولو رقم اورنج ح تشتركي في خدمة اورنج موني - كل شركة ليها الخدمة بتاعتها

هل ممكن حد يحول على رقمى فلوس من مصر وانا خارج مصر وللعلم سوف لا يتم سحب المبلغ

عادي مفيش مشكلة لو كنت بره مصر او كنت جوه مصر مدام خطك عليه الخدمة يستقبل كاش في اي مكان والفلوس بتفضل معاك في رصيد الكاش بدون مشاكل الا اذا مكنش عليه خدمة الكاش فبترجع للراسل في خلال 14 يوم لو مفعلتش الخدمة

بعد السلام عليكم
ممكن احفظ الفلوس سته شهور في فودافون كاش
ولا في مدة محددة

المفروض انها زي الحساب البنكي ومفيش مشكلة لو سبت الفلوس 6 شهور لكن طبعا منصحكش تعمل كده يا عالم ممكن الخط يتوقف لاي سبب والفلوس تروح عليك

حضرتك دلوقتى انا لسه هستخدم فودافون كاش فلازم اى مبلغ عاوزه احوله لحد ازود عليه جنيه للتحويل مهما يكن المبلغ وازود كمان جنيه لكل 100جنيه للاستيلام بشرطان اقل حاجه بتتخصم 3 جنيه للاستلام . كده تمام ولا انا فاهمه غلط وفيه اى حاجه تانيه

كلامك مظبوط بس حاليا نظرا للظروف الحالية تم ازالة جميع عمولات التحويل الا عمولة السحب من الفرع وهية 1% بمعني مفيش رسوم لو حولتي من محفظة فودافون الي محفظة تانية سواء فودافون اي غيرها ومفيش رسوم سحب لو ح تسحب من ال ATM ولو ح تسحبي من فوري ح يتخصم من 1% مع العلم ان فيه بعض الاشخاص بياخدو عمولات زيادة شخصية.

انا فودافون كاش فيه ٥٠٠ جنيه جتني رساله بقولي يرجي سحب ٥٠٠جنيه قبل ١٠مايو وهو بعد الميعاد دي مقدرش اسحبهم ولا ايه ارجو التوضيح

الرسالة بتاعة ال 500 جنيه دي للناس اللي قدمت علي اعانة العمالة الغير منتظمة ويرجي سحبها قبل الموعد ده عشان ممكن ترجع تتسحب تاني والله اعلم

هل موجود ابلكيشن معين اقدر استخدمي احول من حساب بنكي لفودافون كاش

علي حسب كل بنك هناك بعض البنوك التي توفر خدمة المحفظة الذكية برقم الهاتف ودي خدمة بتطلبها عن طريق الفرع اللي موجود فيه الحساب بتاعك ومن البنوك دي الاهلي المصري - بنك مصر - السي اي بي والكيو ان بي

حاولت اشترك على فودافون كاش من تطبيق انا فودافون بس بيجيلى رسالة بعد مابدخل رقم بطاقتى ان الرقم ده مشترك فى محفظة بنكية اخرى ... ايه الحل؟

هل بعدتحويل فلوس للرقم بيظهر لى إيصال بالعملية ولا مجرد رسالة بنجاح العملية

لو سمحت كنت حابب اعرف يكون ف محفظتي حد اقصي مبلغ كام عشان اقدر استلم تاني

انا بعدت مبلغ من حواللى اسبوعين وعايز استردوا..فى مشكله

- لو رقم تلفونك عليه خدمة محافظ كاش اخري غير فودافون لازم تسلغي الخدمة الاول علي الخط وبعدين تشترك في فودافون مينفعش اتنين محفظة علي رقم واحد
- بعد تحويل الاموال من خلال فودافون كاش بتوصلك رسالة فقط لتاكيد ان العملية ناجحة والمبلغ اللي اتبعت كذا والمتبقي في محفظتك كذا - يمكن الحصول علي تقرير بالعمليات التي تتم علي الرقم من خلال انك تكلم خدمة العملا وتطلب التقرير وتروح تستلمو من اي فرع.
- الحد الاقصي حاليا للمحفظة 50 الف جنيه حتي شهر سبتمبر
- لا يمكن التراجع عن عملية ارسال الفلوس خلال فودافون كاش يعني لو بعت فلوس لحد متقدرش تسترجعها تاني بنفسك نهائيا.

لو حد حولى فلوس بتستغرق قد ايه عشان توصل اقص مدة

لو حد حولى فلوس توصل في فترة قد ايه اقصى حاجه

ارسال الاموال واستقبالها من خلال محافظ التلفون بيوصل في نفس التوقيت وكذلك ارسال البريد الحوالات البريدية وكذا التحويلات البنكية لو نفس البنك كل دول بيوصلوا في نفس التوقيت

لو سمحت انا كنت مشتركه ف فودافون كاش من حوالى سنه بس مكنتش استلمت ولا حولت ولا عملت بيها اى حاجه بس من اسبوعين حد حوالى 500 جنيه ولما جيت اتصل امبارح اشوف حسابى قالولى انت غير مشترك بالخدمه ودخل الرقم القومى لتفعيل الخدمه فدخلت الرقم القومى وفعلتها مؤقتا وبشوف الرصيد بلاقيه 5 جنيه بس ازاى بقا ال500 جنيه رجعوا للى حولى ولا هما متعلقين وفيه كود معين بينزلهم المحفظه

لو اريد تحويل ٢٠٠ كامله لشخص ما من شركه فودافون كاش كم ادفع

بالنسبة لمشكلة ان الخدمة ما كنتش مفعلة علي الخط فالفلوس بتفضل موجودة في الخط الغير مفعل لمدة 14 يوم فقط وبعدين الكاش بيرجع للي ارسله تاني في حالة عدم تفعيل الخدمة قبل مرور ال 14 يوم .. لذا يرجي الرجوع للي بعت لحضرتك الفلوس لان كده الفلوس رجعتلوا تاني.
لارسال مبلغ 200 جنيه يستلمهم الطرف التاني 200 جنيه تقوم بشحن حسابك بمبلغ 202 جنيه لو ح يستلم فلوسوا من فرع فودافون (الفرع بيخصم 1% من قيمة المبلغ يعني 2 جنيه) ولو ح يعرف يسحب فلوسوا من ATM ممكن تشحن ب 200 جنيه فقط لان السحب من ال ATM بدون مصاريف والعرض ده ساري حتي شهر 9 وكمان التحويل بين الخطوط بدون مصاريف حتي شهر 9.

هل يمكن تحويل مبلغ من حساب فى فودافون كاش إلى حساب بنكى داخل مصر

لو انا اتصالات وحد فودافون عاوز يحولي فلوس ينفع ولو ينفع هو بيروح فرع فودافون ولا اتصالات عشان يحول من فودافون لاتصالات

التحويل من اي محفظة فون لاي محفظة فون شغال عادي بس بياخدو رسوم بتختلف من محفظة لمحفظة تانية بس حاليا ولغاية شهر 9 التحويل بين المحافظ مجاني سواء فودافون - اتصالات - اورنج - سي اي بي - الاهلي فون التحويل مجاني وبيتم كانك بتحول لنفس الشبكة يعني زي ما بتحول من فودافون لفودافون بتحول من فودافون لاتصالات

لو سمحت انا عندي محفظة فودافون كاش و حد عايز يبعتلي فلوس عليها بس هو مش عنده اي محفظة الكترونية ينفع من فوري يبعتلي ع طول ؟؟

اه ينفع من فوري او من اي مكنة ATM (بنك اهلي - مصر - CIB - QNB عودة - الاسكندرية)
للشحن من مكنة فوري
بتروح لاي حد بتاع فوري ولازم يكون الراجل معاك علي الفون اللي ح تبعتلوا الراجل بتاع فوري بيبعتلوا الفلوس علي رقمو وبعدين هوا بيعمل تاكيد لعملية الايداع وبعد مياكد صاحب مكنة فوري ياكد الايداع تاني من المكنة وكل ده في خلال 30 ثانية يا اما العملية بتفشل.

لو سمحت إذا شخص قريبي في السعوديه وعاوز بحولي 10000 او اكثر هل يجوز عن طريق فودافون كاش ارجو الرد سريعا

فودافون كاش للتحويلات الداخلية فقط وليس للتحويلات من خارج مصر